Туган ягыбызга кыш килде. Салкын кыш туган ягыбызны ап-актан киендерде, кар көртләре өеп куйды, тәрәзәләргә бизәкләр ясады. Быелгы кыш бигрәк тә усалланды, көчле суыклары белән кошларны, хайваннарны куркуга салды. Шул чакта без, башлангыч класс укучылары, нәни дусларыбызга ярдәм итәбез. Кыш башында ук элеп куелган җимлекләребезне кардан чистартып, җимнәр салабыз.  Ә аннан бергәләшеп, читкә китеп, кошларны күзәтәбез. Кошлар безнең дусларыбыз. Кошларга ярдәм итик!