Ногоманова Альбина Фазыйл кызы тумыштан инвалид. Инвалид булуга карамастан  аңа рәсем сәнгате белән шөгыльләнү үз-үзен табарга, тулы тормыш белән яшим дип санарга мөмкинлек бирә. Дүрт ягы да сәламәт булган кешеләрдән аермалы буларак, ул һәр сәгатьнең, минутның кадерен белеп яшәргә тырыша.   Альбина Фазыйл кызының  күңел төшенкелеге корбанына әверелергә вакыты да юк: ул туктаусыз иҗат итә, эшли, шул шөгыле аңа куанып яшәргә көч бирә дә. Әлеге иҗат җимешләре үзләренең тирән мәгънәле булулары, рәссамның хис-тойгыларын ачык чагылдырулары, сурәтләнгән әйберләрнең төрлелеге, төгәллеге белән таң калдыра.