Календарьдагы күпсанлы бәйрәмнәр, тантаналы даталар арасында бер моңсу көн бар, ул – декабрь аенда билгеләнеп үтә торган Халыкара инвалидлар көне.   Арабызда мөмкинлекләре чикләнгән кешеләр яшәвен барыбыз да белә. Уйлап карагыз әле: кайчан сез аларга җылы сүз әйттегез, хәлләрен белештегез? Искә төшмәдеме? Юктыр шул. Дөнья мәшәкате көчле бит... Ә менә 7 нче сыйныф укучылары Ногоманова Альбина апаларында кунакта булдылар, аның хәлен белделәр. Көчле рухлы, батыр җанлы, тормыш авырлыкларына бирешмәүче Альбина апалары рәсем ясарга, сөйләшеп утырырга бик  ярата. Ул балаларга үзенең ясаган рәсемнәрен күрсәтте.  Аның эшкә зур теләк һәм кызыксыну белән тотынуы, тормыштан тәм табып яшәүе соклану хисе уята. Дүрт ягы да сәламәт булган кешеләрдән аермалы буларак, ул һәр сәгатьнең, минутның кадерен белеп яшәргә тырыша.  Аның ясаган рәсемнәре аерым бер мәгънәгә ия,үзенчәлекле. Укучылар Альбина апаларына бүләк итеп альбом һәм буяулар бүләк иттеләр, башка көннәрдә  дә килергә дип сөйләштеләр. Бер -беребезгә мөгалләмәбез, тирә юньдәге безнең ярдәмгә, безнең җылы сүзебезгә мохтаҗ кешеләрне күрә белеп, аларга дөрестән дә булдыра алган кадәр ярдәм итсәк, мөмкинлекләре чикләнгән кешеләргә һәрдаим ярдәм кулы сузсак,  безнең араларны җылытып, күңелләрдәге бозларны эретеп җибәрер иде.