Соңгы кыңгырау... Туймәт төп мәктәбе быел 16 кошчыгын очыра. Матур хыяллар, зур планнар, өметләр белән яшәүче, берсеннән-берсе чибәр егетләр һәм кызлар. Алдагы юллары кая китерер, язмышлары ничегрәк булыр, әлегә билгесез. Әмма аларның хыяллары, үз-үзләрен күрсәтү теләкләре бар, бу үзе үк инде шәп нәрсә! Хушлашу һәрвакыт бераз дулкынландыра да, шатландыра да, мосуландыра да торган мизгелләр ул. Әйе, әйтергә генә җиңел. әлеге мәктәп диварларында алар күпме җиңүләр яулаганнар, күпме сынаулар үткәннәр, нинди хисләр белән янганнар! Сыйныф җитәкчеләре, беренче укытучылар, әти-әниләре балаларга изге теләкләрен белдерделәр... Һәм 1 нче һәм 9 нчы сыйныфлар өчен колакларда онытылмас соңгы кыңгырау чыңы яңгырый. Беренчеләр өчен ваемсыз җәйге яллар башланса, тугызынчыларны әле зур сынаулар көтә. Аларга киләчәктә уңышлар гына юлдаш булсын.