Бөтендөнья эшмәкәрлек атналыгы уңаеннан Туймәт төп белем мәктәбендә 8 - 9 нчы сыйныфлар өчен "Ничек эшмәкәр булырга?" темасы астында ачык сыйныф сәгате үтте. Җәмгыять белеме укытучысы Сәүбанова З.М. укучыларга эшмәкәрлек эшчәнлегенең тарихы турында кыскача мәгълүмат бирде. Уңышлы эшмәкәр булу өчен нинди шәхси сыйфатлар кирәклеге, белемле булуның әһәмияте турында сөйләде. Үз эшен башлап җибәрергә теләгән кешегә нәрсәләр белергә кирәклеген,  "бизнес план", "башлангыч капитал", "вакытлы һәм даими чыгымнар", "керем һәм чиста табыш" төшенчәләренең мәгънәрен аңлатты.