Мәктәптә яңгыр теләге узды.  Авыл халкы ел саен яңгыр теләге уздырмыйча калмый. Бу элек-электән килгән бәйрәм-йолага әби-бабайлар зур әһәмият биргәннәр. Соңгы елларда  корылык еш күзәтелү бу йолага игътибарны тагын да арттырды. Балаларга татар халкының борынгы гореф-гадәтләрен күрсәтү максатыннан, авылыбызның ак ялыклы әбиләре яңгыр теләгенә җыелдылар. Алар догалар укып, теләкләр теләп яңгыр сорадылар. Ахырдан барлык балалар да су сибешеп уйнадылар, яңгыр боткасы ашадылар. Бәйрәм барсына да ошады, теләкләр кабул булсын иде.