Кичә башлангыч сыйныфлар өчен чираттагы ачык сыйныф сәгате үткәрелде. Ул ике өлештән торып, ике укытучының уртак хезмәте рәвешендә оештырылган иде. Рәҗапова Гөлназ Хәмзә кызы "Табигатьтәге куркынычсызлык" темасына презентация әзерләгән иде. Ул үзенең чыгышында елан тешләгәндә, умарта корты чакканда, талпан кадалганда беренче ярдәм күрсәтү алымнары турында сөйләде. Балалар безнең якларда үсүче агулы үсемлек һәм гөмбәләр белән дә таныштылар. Шулай ук кояш суккан вакытта кешегә ничек ярдәм итәргә кирәклеге дә өйрәтелде балаларга.

Чараның икенче өлешендә Ильясова Галия Әнәс кызы "Су янынды, сулыкларда куркынычсызлык кагыйдәләре" темасы буенча сүзен дәвам итте. Су буенда үзеңне тоту кагыйдәләре, су коену куркынычсызлыгы, суга батучыны коткару алымнары турында бик үтемле презентацияле чыгыш балаларга нык тәэсир итте. Суга батучыны коткару алымнарын чагылдырган гамәли видеоязма да каралды. Алда безне каникуллар көтә. Балалар исән-сау ял итсеннәр һәм өйрәнелгән кагыйдәләрен төгәл үтәсеннәр иде.