Бездә һәрбер бала кадерле. Шул максаттан 17 нче май көнне 5-8 сыйныфлар өчен 7 нче сыйныф җитәкчесе Гыйниятуллина РозаГабдрәшит кызы "Су янында, сулыкларда куркынычсызлык кагыйдәләре" темасына презентацияле ачык сыйныф сәгате күрсәтте. Анда суда коену куркынычсызлыгы, сулыкларда саклап торырга мөмкин булган куркынычлар, көймәдә йөргәндә үзеңне дөрес тоту тәртибе, суга батучыны коткару алымнары хакында сүз алып барылды, дәлилләр, статистик мәгълүматлар китерелде. Балаларыбыз исән-сау булсын, бу кагыйдәләрне төгәл үтәсеннәр, бәла-казага юлыкмасыннар иде дигән теләктә калабыз.