Көзге каникул чорында татар теле һәм әдәбиятын сөюче укучылар "Әдәби хәзинә"дә кунакта булдылар. Кичә Татарстанның халык язучысы Нәбирә апа Гыйматдинованың олуг юбилеена багышланды. Укучылар Нәбирә апаның мәктәп, яшьлек еллары белән таныштылар. Китапханәдә урын алган әсәрләрен яратып укуларын да әйттеләр. Бигрәк тә "Бүре каны" исемле сәхнә әсәре укучыларны дулкынландырды. Шулай ук "Сихерче", "Мәхәббәттә гөнаһ бар", "Тәкъдир", әсәрләре, "Китәм димә" әсәре буенча куелган телевизион фильмы яратып карала һәм укыла. Нәбирә апага киләчәктә дә иҗади уңышлар гына телисе кала.