Мәктәптә "Электр куркынычсызлыгы" темасы астында ачык сыйныф сәгатьләре булып узды. Аның беренчесе  башлангыч сыйныфлар өчен Фассахова Рәмзия тарафыннан оештырылды. Балаларга электр тарихы, электр приборлары һәм аларны куллануда куркынычсызлык кагыйдәләрен үтәү турында бик үтемле аңлатылды. Шулай ук киләсе җәйге каникулларда укучыларга трансформаторлар янында сак булу кирәклеге кисәтелде.

Икенче сыйныф сәгате Мортазина Рәзинә тарафыннан урта сыйныфлар өчен үткәрелде. Аларга да шушы тема буенча аңлату эшләре алып барылды, куркынычсызлык кагыйдәләре искә төшерелде һәм ток суккан вакытта беренче ярдәм күрсәтү буенча теоретик һәм практик  мәгълүматлар җиткерелде. Чарада Чирмешән электр челтәре җитәкчесе Кәримов Рәмил Әхәт улы катнашты һәм укучылар каршында чыгыш ясады.