Укытучылар бәйрәме уңаеннан район мәдәният йортында зур күләмле концерт булып узды. Чарага ел барышында  яхшы күрсәткечләре булган, төрле бәйгеләрдә актив катнашып урынннар яулауга ирешкән укытучылар һәм кадерле ветеран-укытучылар чакырулы иделәр. Бәйрәм барышында район мәгариф бүлеге хөрмәткә лаек мөгаллим һәм мөгаллимәләрне Мактау грамоталары белән бүләкләде. Бүләкләнүчеләр арасында Туймәт төп белем мәктәбендә озак еллар фидакарь хезмәт куючы, балаларга белем һәм тәрбия бирү өлкәсендә югары уңышларга ирешкән хезмәттәшебез Гыйниятуллина Роза Габдрәшит кызы да бар. Без аны әлеге олы бүләге белән чын күңелдән котлыйбыз. Тормышында гаилә бәхете, исәнлек-саулык, белемле балалар һәм яңадан-яңа иҗади уңышлар теләп калабыз.