Мәктәбебез бакчасында  язын утырткан, җәен су сибеп үстергән яшелчәләр бәрәңге, суган, сарымсак, кишер, чөгендер, кәбестә   уңышлары җыелып алынды  матур, кояшлы көннәрдә кышка сакларга урнаштырылды. Яшелчәләрдән бушаган урыннарны, чүп үләннәреннән арындырып,  ашламалар сибеп, китмәнләп, язга әзерләп куйдык. Шулай ук җиләк-җимеш агачларын да кышка әзерлибез. Алмагач кәүсәләрен агартып, карлыган, кура җиләк куакларын кар басып сындырмасын өчен бәйләп калдырасы бар.. Шулай булганда гына, икенче ел уңышы да әйбәт булачак.