Быел яз иртә килде. Әле апрель аеның икенче яртысы гына булуына карамастан, язгы чәчү вакыты җитте. Безнең  мәктәп яны тәҗрибә участогында да бу көннәрдә эш кайный. Биология укытучысы Шиһапова Рәмилә Вәлиәхмәт кызы җитәкчелегендә балалар беренче яшелчәләрне чәчү белән мәшгуль. Ел саен бакчага күп итеп  файдалы  һәм кирәкле үсемлекләр утыртыла. Кишер, суган, аш чөгендере, кыяр, помидор, ташкабак, кәбестә, татлы борыч, кузаклыларның төрле сортлары, аш тәмләткеч һәм дару үләннәре. Яхшы уңыш алу өчен әле күп хезмәт һәм тырышлык куярга кирәгәчәк, ә бүгенгесе көндә төп максат - дымлы җиргә орлыкларны утыртып өлгерү. Язның бер көне ел туйдыра, дип халык белми әйтмәгән.