Укулар тәмамланды, җәйге табигать үзенең киңлекләренә дәшә. Башлангыч сыйныф укучылары җитәкчеләре белән әрәмәдә, чишмә буйларында экскурсиядә булдылар. Туган ягыбызның гүзәл табигатенә сокланып, саф һавасын сулап, салкын чишмә суларын эчеп, рәхәтләнеп ял иттеләр. Үзләре яраткан уеннарны тәгәрәп уйнадылар. Бергәләп фоторәсемнәргә төштеләр. Балалар уку елын уңышлы тәмамладылар. Шулай булгач, күңелле итеп уйнасаң да, ял итсәң дә ярый.