Мәктәп тирәсен һәм мәктәп яны участогын чисталыкта тоту - безнең бурыч. Кояш карау белән кыш буе җыелган чүп-чар күренә башлый. Атна ахырын да көтеп тормыйча, без бөтен мәктәп белән өмәгә җыелдык. Башлангычлар мәктәп алдын, башка сыйныфлар бакчада, спорт мәйданчыгында кырмыскалар кебек тырышып эшләделәр. Җыелган чүпне дә теләсә кайда ташламадык, аны хуҗалык эшләре буенча хезмәткәр Наил абый махсус урынга туплап барды. Эш күмәкне ярата, - ди халык, тиз арада мәктәп тирәсе ялт итеп калды. Дәресләргә дә хилафлык килмәде, чөнки өмә укулар беткәч, төштән соң оештырылды.