Туймәт төп белем мәктәбенең тәҗрибә участогында быел чәчү эшләре соңгарак калды. Яз иртә килсә дә, участогыбызның дымлырак  җирдә урнашуы, шуңа өстәп катлы-катлы яуган яңгырлар үзенекен эшләде - җир соңрак өлгерде. Ниһаять, бүгеннән башлап без дә чәчү эшләренә керештек, мәктәп яны тәҗрибә участогында бүгенгесе көндә суган утыртыла, кишер, чөгендер орлыклары чәчелде. "Язның бер көне  елны туйдыра",  - ди халык. Яздан тырышып эшләсәк, көзге уңышыбыз барыбызны да шатландырыр дип өмет итеп калабыз.