Бүген Бөек Җиңү көнендә илебезнең барлык почмакларында "Үлемсез полк" акциясе үтте.  Туймәт авылында да сугыш кырында ятып калган, шушы авыр елларның барлык ачысын татыган тыл ветераннарының, илгә Җиңү алып кайту бәхете насыйп булган сугыш ветераннарының сүрәтләрен тотып яшь буын вәкилләре урамнардан атлады. Кечкенә генә авыл өчен дә әлеге тарихи чара зур күләмле булып чыкты. Сугыш һәм тыл батырларының каһарманлыгын  мәңгеләштерү, аларның исемнәрен киләчәк буыннарга тапшыру бик кирәкле һәм изге эш.