"Язгы мәрхәмәтлелек атнасы" акциясе кысаларында авыл мәдәният йорты хезмәткәрләре башлангыч сыйныф укучыларына "Җир яшәрмәс, гөл ачылмас - төшми яңгыр тамчысы" дип исемләнгән әдәби-музыкаль композиция күрсәттеләр. Куян һәм Аюның табигатьтә үз-үзләрен тотышларын, үзара мөнәсәбәтләрен карап балалар геройларның тискәре сыйфатларын күрсәттеләр. Ә ахырдан җәнлекләрнең дусты Песи балаларга да, Аю белән Куянга да игелекле, шәфкатьле, үзара дус, тату, сакчыл булырга кирәген аңлатты. Тәрбияви мәгънәгә ия булган бу чара мәктәп хезмәткәрләренең дә, укучыларның да күңеленә бик хуш килде.  Моның өчен авыл мәдәният йорты хезмәткәрләренә чиксез рәхмәтебезне җиткерәбез һәм киләчәктә яңа чаралар көтеп калабыз.