“Язгы мәрхәмәтлелек атнасы” акциясе кысаларында Туймәт авылы фельдшеры Сәхапова Халидә Хәбир кызы “Донорга азканлылык яныймы?” темасына әңгәмә үткәрде. Укучыларны “донор” сүзенең аңлатмасы белән таныштырды. Кем донор була ала? Донор булу өчен нинди шартлар үтәлергә тиеш?  Хәзерге заманда донорлар кирәкме? Медицина хезмәткәре шушы һәм башка бик күп төрле сорауларга җавап бирде. Шулай ук доногра азканлылык янамавы, хатын-кызларга елга 2 – 3 тапкыр, ә ир-атларга 4 – 5 тапкыр кан тапшырырга яравын әйтте. Азканлылыкның билгеләренә тукталды, югалган кан 2 ай вакыт эчендә яңадан торгызылуын ассызыклады. Кан бирү – мәрхәмәтле гамәл кылу икәнлеген аңлатты. Больницаларда кан кирәксенеп ятучы авыруларның күп икәнен төшендерде.