Язга каникуллар вакытында Туймәт мәктәбе укучылары тик тормадылар. Мәктәп каршысында эшләп килгән түгәрәкләргә, имтиханга әзерлек консультацияләренә йөрделәр. Ә 30 март көнне 4 - 8 сыйныф укучылары физкультура укытучылары җитәкчелегендә Лашман урта мәктәбенең бассейнына бардылар. Балалар рәхәтләнеп су кереп, уйнап, йөзү күнекмәләрен үстереп кайттылар. Лашман мәктәбе тренерларының чакыруларын һәм укучыларга суда йөзү  аеруча ошавын истә тотып,  мондый чара җәйге каникулларга кадәр тагын бер тапкыр оештырылачак.