Кичә "Туган якны өйрәнү" түгәрәгенә йөрүче 5, 7 нче сыйныф укучылары Әлмәт районы Түбән Абдул авылы музеенда булып кайттылар. Музей буенча экскурсияне аның директоры Гыйләҗева Мәдинә Мисбах кызы оештырды. Археология һәм авыл өе күренеше экспозицияләре балаларда аерым кызыксыну яутты. Гомумән, музей үзенең экспонатлары бай булуы, авыл тарихына кагылышлы шәхесләр турында мәгълумат күп туплануы, төрле тарихи чорларны киң яктыртуы белән күңелләрдә көчле тәэсирләр калдырды. Әлеге чараны оештырулары өчен Сафина Розалия Габбас кызы һәм Шиһапова Рәмилә Вәлиәхмәт кызларына балалар зур рәхмәт белдерәләр.