Бүген мәктәптә зур бәйрәм - Нәүрүзне каршы алу. Дәресләр беткәч мәктәп каршында  ыгы-зыгы башланды. Кем командаларның эмблемаларын беркетү белән мәшгуль, кем ярышлар  оештыру тәртибен барлый, башлангыч сыйныф укучылары кызык карарга исәпли, ә жюри - түземсезлек белән ярышлар башлануын көтә. Педагог-оештыручы Сафина Кадрия Нәүрүз бәйрәменә ныклап әзерләнгән. Укытучылардан, егетләр һәм кызлардан 6 команда төзеде. Аларга аркан тартышырга да, шәхси беренчелеккә кул көрәштерергә дә, чүлмәк ватарга да, чана ярышларында да һәм башка күп төрле уеннарда да катнашырга туры килде. Бәйрәмгә, әйтерсең, табигать тә шатланды. Көн кояшлы, матур һәм җылы иде. Менә, ниһаять, барлык балаларның көтеп алган мизгеле -  "карга" боткасы ашау. Чарада катнашучыларның йөзеннән елмаю төшмәде. Хуш, киләсең, Нәүрүз!