Туймәт төп белем мәктәбе сәләтле балаларга бик бай. Шулар арасында яшь "йолдызчык" - Гайнуллина Адилә дә бар.  Ул беренче сыйныфта гына укуына карамастан, "Созвездие - Йолдызлык" конкурсында катнашып район күләмендә үз яшьтәшләре арасында җиңүче булды. Конкурсның Чистайда булып узган зона ярышында да Адилә сынатмады, бик матур чыгыш ясады һәм моның өчен ул диплом белән бүләкләнде. Без Адиләгә киләчәктә бары тик  зур уңышлар телибез, моңлы тавышы белән тагын да шатландырыр дип көтеп калабыз.