14нче мартта мәктәбебездә “Яңа мәктәп” кысаларында татар теле һәм әдәбиятын укытуга яңача карашлар” дигән исем астында татар теле һәм әдәбияты укытучыларының төбәкара семинары узды. Әлеге киң планлы чарада Яшел Үзән һәм Сембер шәһәрләреннән, авылларыннан, Буа районы мәктәпләреннән 50 укытучы катнашты. Семинарны мәгариф бүлеге җитәкчесе И. И. Абзалов ачты. Кунакларны мәктәп тарихы, андагы укыту һәм тәрбия эшчәнлеге белән директор Ә. Ә. Зыятдинов таныштырды. Эш барышында 4 мастер-класс (Айзетуллова Г. Х., Фәткуллова М.Г.,Хөснетдинова А. Ф., Хәмидуллина Г. Җ.), бер проект (Абдуллина Ф. Г.) якланды, “Китап – күңел көзгесе” дигән әдәби –музыкаль чара( Мөлекова Г. Ф.) күрсәтелде. Кунаклар Р. Харис исемендәге картиналар галереясендә, Б. Урманче күргәзмәсендә мул эчтәлекле экскурсияләр белән таныштылар. Районның алдынгы технологияләр кулланып эшләүче мөгаллимнәре түгәрәк өстәл артында үз тәҗрибәләре белән уртаклашты. Семинарда йомгаклау сүзе белән РМҮ нең әйдәп баручы белгече Г. Т. Исмәгыйлева чыкты. Файдалы төбәкара семинар үзара бүләк-китаплар алмашу белән төгәлләнде. Сембер, Яшел Үзән укытучылары Буа мөгаллимнәрен дә үзләрендә көтеп калалар.