27нче февраль көнне безнең мәктәптә “Киләчәге бар милләт без, Шәхесләргә бай милләт без” исемле II республикакүләм фәнни –гамәли конференция узды. I турга республикабыз районнары  һәм Сембер шәһәре укучыларыннан 83 фәнни эш кабул ителгән иде. Шулардан 50 эш II турга узды.

     Фәнни –гамәли конференцияне мәктәпнең актлар залында тантаналы төстә Буа муниципаль районы башкарма комитеты җитәкчесе С. Ф. Даутов ачып җибәрде. Президиум составында шулай ук Буа муниципаль районы мәгариф бүлеге мөдире И. И. Абзалов, Буа муниципаль районы мәдәният бүлеге мөдире М.И. Гайфуллин, Сембер өлкәсе Мәгариф идарәсенең әйдәп баручы белгече Ә.С. Абутдинова, Бөтендөнья татар конгрессының Буа бүлекчәсе җитәкчесе Г. Г. Камалетдинов бар иде. Конференция кунаклары-халык шагыйре Ренат Харис, Татарстан Язучылар берлеге иҗат төркеменнән драматург Рәдиф Сәгъди, балалар шагыйрәсе Йолдыз Шәрәпова, яшь шагыйрь Рифат Сәлахов, Татарстан Республикасы  Фәннәр академиясенең Г. Ибраһимов исемендәге Тел, әдәбият һәм сәнгать институты галиме Заһир Шәйхелисламов, “Ватаным Татарстан” газетасы журналисты Гөлинә Гыймадова, җирле шагыйрә Динә Камалетдинова, Фәрит Нуруллин секция эшләрендә дә катнашты.