22 март көнне Хайруллин Гамил һәм  Шарафутдинова Алия "Хочу все знать" конференциясендә катнаштылар.

Бүген биология, химия, география атналыгы кысаларында башлангыч  һәм 5-6 сыйныф укучылары белән "Тыюлык дәресләре" үткәрелде. Дәрестә укучылар бик актив булдылар, үзләрен кызыксындырган сорауларга җаваплар таптылар.

Тижанкина Л.Ф. 5нче сыйныф укучылары белән "Сүзләрнең туры һәм күчерелмә мәгънәләре" дигән темага ачык дәрес күрсәтте.

Кояш нурларына, тамчылар чыңына төренеп март ае да килеп җитте. Табигатьнең язгы үзгәреш кичергән бер мәлендә без гүзәл затларыбызның иң күркәм бәйрәмен – 8 Март Халыкара хатын-кызлар көнен билгеләп үтәбез. Бүген мәктәптә  шул уңайдан бәйрәм концерты үткәрелде.  Бәйрәм җыр-бию, уен белән үрелеп барды,  бик күңелле узды.

Бүген безнең кызларыбыз "Ягез әле, кызлар" дип исемләнгән спорт ярышында катнаштылар. Алар үзләренең көчләрен 5 төрле ярышта сынап карадылар. 

Бүген иртәнге линейкада укучылар арасында язгы су басулар вакытында башкарылачак кисәтү эшләре белән таныштырылды. Язгы чорда су өслекләрендә куркынычсызлык кагыйдәләрен үтәргә кирәклелеге турында әйтелде. Беренче ярдәм күрсәтү буенча да киңәшләр бирелде. Сыйныфларда махсус сыйныф сәгатьләре планлаштырылды, инструктажлар үткәрелде.

Тиздән халыкара  хатын-кызлар  көне  якынлаша. Шул  уңайдан  һәр  класс әниләрне котлау өчен  бүләкләр  әзерли.