Бүген барыбыз да шимбә өмәсендә. Мәктәп бакчасына кишер, чөгендер, суган утыртылды, агачлар утырттык, тирә-якны җыештырдык.Барлык укучылар. укытучылар,хезмәткәрләр дә өмәдә катнашты.Эш гөрләп барды.

Экоотряд, экология икеайлыгы кысаларында,слива, чия  агачлары утырттылар.

Бүген Бөтенроссия  тормыш иминлеге нигезләре буенча ачык дәресләр үтә. Әлеге дәреснең максаты укучыларны янгын чыгу куркыныч, су буйларында үз-үзеңне тоту кагыйдәләре белән таныштыру. Ачык дәрескә Янтуган янгын сүндерү участогы җитәкчесе- Замдиханов С.А.  чакырылды. Ул укучыларны һәрвакыт уяу булырга,үз-үзләрен куркыныч астына куймаска өндәде. Янгын сүндерүчеләрнең эш киемнәре,эш тәртибе белән таныштырды.

Бу көнне  татар халкының бөек шагыйре, татар әдәбияты классигы, әдәби тәнкыйтьче, публицист, яңа заман татар әдәбиятына һәм әдәби теленә нигез салучыларның берсе Габдулла Мөхәммәтгариф улы Тукай туган.Шул уңайдан татар теле һәм әдәбияты укытучысы Фәхретдинова Л.К. укучлар белән "Үз уеның" бәйгесе үткәрде.Бәйгедә 5-10 нчы сыйныф укучылары катнашты. Укучылар: "Пар ат", "Шүрәле" һәм "Су анасы" исемле командаларга бүленеп, Тукайның тормыш юлы, шигырьләре турында булган төрле бәядәге сорауларга җавап эзләделәр, үзләренең белемнәрен сынап карадылар.

Башлангыч сыйныф укучылары белән берлектә китапханәче Садыкова Ф.Ф. әдәби - музыкаль кичә оештырды.Бәйрәм "И туган тел, и матур тел" җыры белән тәмамланды.

Язгы мәрхәмәтле эшләр дәвам итә. Хокук бозуларны профилактикалау отряды әгъзалары, ветераныбыз Солтан бабайларга, утын кертергә булыштылар.

Башлангыч сыйныф укучылары сугыш ветераннарына ярдәм итәргә һәрвакыт әзер.Бүген дә алар Сания әбинең йорт тирәсен кардан чистарттылар, хәл-әхвәлен сорашып кайттылар.Карлар эреп беткәч кабат йорт тирәсен җыештырырга киләчәкләрен әйттеләр.