Габдулла Тукай тууының юбилей елын бәйрәм итү кысаларында, бүген мәктәпкә әзерлек төркемендә мавыктыргыч «Музей серләре» квест-уены узды. Балалар зур кызыксыну белән музейга сәяхәткә чыктылар һәм татар халкының көнкүрешендә кайчандыр аерылгысыз өлеш булган предметларның серләрен ачарга тырыштылар.
Уен барышында тәрбияләнүчеләр, серле һәм кызыклы тасвирламалар буенча, татар гореф-гадәтләре һәм көнкүреше белән бәйле чын музей экспонатларын эзләделәр. Бу шөгыль ярдәмендә балалар игътибарлылыкны, зирәклекне һәм командада эшли белү сәләтен генә үстереп калмадылар, ә татар мәдәнияте, гореф-гадәтләре һәм көнкүреш предметлары турында күп яңа нәрсәләр белделәр.
Квест ахырында балалар музей предметларын кулланып рольле уеннар уйнадылар. Алар үзләрен йорт хуҗалары, осталар һәм кунаклар итеп хис итеп, татар тормышыннан күренешләрне уйнадылар. Бу балаларга белемнәрен ныгыту өчен генә түгел, ә узләрен бай милли мәдәниятнең бер өлеше итеп тоярга да ярдәм итте.