Бик-Үти мәктәбендә озак еллар белем-тәрбия биргән Низамов Азат Нәбиулла улы булышлыгында авыл яны урман посадкасына 9 нчы сыйныф укучылары слива куаклары утырттылар. Азат абый бу изге эш белән күп еллар шөгелләнә, ул утырткан алмагач, чия куаклары авылдашларга мул уңышлары белән куандыра.

«Урман утырту көне» акциясе Татарстанда 2010 елдан бирле уздырыла.Әлеге акциянең максаты – урманнарны үстерү генә түгел, ә киң җәмәгатьчелектә аңа карата сакчыл караш тәрбияләү, игътибарны “табигатьнең яшел үпкәсе”н саклау проблемаларына юнәлтү дә. Агач күбрәк булган саен төбәкләрнең экологик хәле дә яхшыра ләбаса. Бүген безнең мәктәп укытучылары мәктәп каршындагы паркка 120 төп юкә агачы утырттылар.

Илебез буенча октябрь ае башында Өлкәннәр көне уздырыла. Төрле җирләрдә өлкәннәрне котлаулар, бүләкләүләр, искә алулар бара. Бүген 8-9 сыйныф укучылары төрле елларда мәктәбебездә укыткан өлкән укытучыларыбызны котладыар.

15 сентябрь Татарстан Варислары берлегенең туган көне. Шушы уңайдан укучылар варислар иленә сәяхәт ясадылар. Тәрбия эшләре буенча директор урынбасары Гатауллина И.Х. пионер оешмасының тарихы белән таныштырды. Укучылар Варислар оешмасының максатын ачыкладылар. Варисларныңи девизлары, лозунг һәм символлары турында тирәнтен белделәр. Ахырдан “Син беләсеңме?” дип аталган викторина сорауларына җавап бирделәр.