2000 нче елда Берләшкән Милләтләр Оешмасы, ЮНЕСКО инициативасын хуплап, күптеллелекне яклау йөзеннән 21 нче февральне “Халыкара туган тел көне” итеп үткәрү турында карар кабул итте. Бүген безнең мәктәптә дә Туган телгә багышланган чара үткәрелде. Укучылар туган тел турында шигырьләр сөйләделәр, җырлар җырладылар.

Бүген мәктәптә Буа шәһәреннән килгән педагог-психологлар эшләде. Алар 1, 5 сыйныф укучыларының мәктәпкә адаптация чорын ничек үтүләрен, 9 сыйныфларның киләчәк имтиханнарга карашын, 7-8 сыйныфларда нинди профессия сайлауга өстенлек бирүләрен тикшерделәр.

Мәктәптә ата-аналар җыелышы булып узды. Беренче көн тәртибендә педагог-психолог Мингалиева Г.М. "Балаларның экзаменга психологик әзерлеге" дигән темага чыгыш ясады. Соңыннан башлангыч сыйныф укытучысы Вәлиуллина Ф.Ф. "Гаиләдәге мөнәсәбәтләр" темасына доклад укыды.

Быелгы Парламент дәресенең темасы – “Татарстан – 2030: республиканың киләчәгенә минем керткән өлешем”. Стратегиянең үзәгендә – заманча икътисадның нигезен тәшкил итүче кеше капиталы. Мәктәп укучылары Татарстанның социаль-икътисади үсешенә нинди өлеш кертә алулары турында үз фикерләрен дә җиткерәчәк. Парламент дәресендә егет-кызлар Татарстанның барлык өлкәләрендәге казанышлары белән дә таныша ала. Бүгенге дәрестә Бик-Үти авыл җирлеге башлыгы, депутат Залялетдинов Р.З. катнашты.