Безнең һәрберебездә кояш бар. Ул кояш - яхшылык, игелеклелек. Игелеклелек башка кешенең кайгысын, шатлыгын үзеңнеке кебек кабул итә белү. Нәкъ менә шушы сыйфатлар кешене кеше итә.

     Кодаш  мәктәбендә “шәфкатьлелек” штабы ел дәвамында тулы көч белән эшли, бу юнәлеш буенча ел саен киң эш алып барыла. Ярдәмгә мохтаҗ әби - бабайларга тимурчылык эше оештырылган. Укучылар ярдәмгә мохтаҗларга булышалар, өлкән буын кешеләре турында кайгырталар.

Авылыбызда ярдәмгә мохтаҗ өлкәннәр күп булмаса да, бар.

    Авылдашыбыз Баһманова Катифә апаның  хуҗалыгында безнең укучаларга да эш табыла. Кыш көннәрендә кар көриләр  һәм башка эшләрдә ярдәм итәләр.  “Дуслык” отряды башка ветераннарыбызга да һәрдаим ярдәм итеп тора. Әбиләребез укучыларга  бик рәхмәтле.

     Изге күңелле, мәрхәмәтле кешене шәфкатьлелек бизи. Шәфкатьлелек ул бәхетле булырга да җирлек тудыра. Кеше эшне яратырга һәм тырышып ахырына җиткереп эшләп бетерергә тиеш, үзе өчен генә түгел  башкалар өчен дә эшләсә, шунда гына кеше шәфкатьле  һәм бәхетле була.

Мәктәп яны балалар тавышы, чыр- чуга күмелде: укучылар кар сыннары  ясарга чыктылар.

Вокруг школы веселье,  ребячий шум и крик: школьники вышли на улицу лепить снежные фигуры.