Нәүрүз сүзенең мәгънәсе фарсыча яңа көн (ел) дигәнне аңлата.Бу көнне өйдән-өйгә кереп, теләк теләп, сый-бүләк җыеп йөргәннәр. Йорт хуҗаларына саулык-иминлек, кырларга бай уңыш, озын гомер теләгәннәр.Балалар, өй саен йөреп, кешеләрне бәйрәм белән котлаганнар, шаян такмаклар әйткәннәр.

  Безнең балалар бакчасында   да  Нәүрүз бәйрәме уздырылды. Бәйрәм иртәсе башланганчы, балалар, тәрбияче апалары белән бергә, төркемнән-төркемгә кереп, изге теләкләр теләп, такмаклар әйтеп, сый-бүләк җыйдылар. Аннары бергәләшеп,бәйрәмчә бизәлгән залга, бәйрәм иртәсенә килделәр.

  Бергәләшеп  матур итеп җырладылар, биеделәр, халык уеннарын уйнадылар. Ямь өстенә ямь өстәп, бәйрәмгә Кыш   белән  Нәүрүзбикә   килделәр. Төрле ярышларда, конкурсларда көч сынашып караганнан соң, Кыш бабай үзенең җиңелүен белдерде һәм тәхетен булдыклы, акыллы, чибәр Нәүрүзбикәгә калдырып китте. Бәйрәм   бик күңелле үтте.