Безнең балалар бакчасына йөрүче балаларга татар һәм рус телләрен уңайлы һәм нәтиҗәле итеп өйрәнү өчен тиешле шартлар тудырылды. Тәкъдим ителгән укыту-методик комплектлары шөгыльләрне мавыктыргыч итеп оештырырга ярдәм итә. Заманча педагогик технологияләр белән янәшә Интернет мөмкинлекләрен дә киң файдалабыз.  
     Тәрбиячеләр һәм ата-аналар өчен матур әдәбият җыентыклары, методик кулланмалар, эш дәфтәрләре, тарату һәм күрсәтмә материаллар, музыкаль әкиятләр, аудио-, видеоматериаллардан торган комплектлар белән киң кулланабыз. “Татарстан – Яңа гасыр” телеканалында трансляцияләнгән һәм министрлык сайтына урнаштырылган “Әкият илендә” тапшыруын кызыксынып карыйбыз.  
     “Татарча сөйләшәбез” УМК нигезендә рус телле балаларның татар телендә сөйләм эшчәнлеген оештырганда, икетеллелеккә өйрәтүдә әти-әниләрнең һәм тәрбиячеләрнең роле бик зур. Тыгыз элемтәдә эшләгәндә генә яхшы нәтиҗәләргә ирешеп була.Семинар-җыелышлар, очрашулар, анкета-тестлар ярдәмендә ата-аналар һәм тәрбиячеләр программаны тормышка ашыруда зур этәргеч булып торалар.