Бүген, 20 апрельдә, Баулы районының 4нче санлы гимназиясендә “Яңа таләпләр буенча предметларны укытуда гореф-гадәтләр һәм яңача укыту алымлары” дигән темага регионара семинар узды. Семинарның эшендә Башкортостан Республикасының Октябрьский шәһәре, Туймазы районыннан, Оренбург өлкәсе Северный, Абдулино районнарыннан директорлар, укытучылар катнашты. 4нче санлы гимназиянең башлангыч сыйныф укытучылары Сәмигуллина Г.С., Гәбделова Л.М., география укытучысы Рамазанова Ю.И., физика укытучысы Сәмикова Г.А. ачык дәресләр күрсәттеләр. Район мәктәпләренең татар теле һәм әдәбияты укытучылары Әхмәтҗанова Э.И., Зәйдуллина Г.Н., Габсабирова Р.К., Шатанова Г.С. “Татар теле һәм әдәбияты дәресләрендә инновацион технологияләр” темасына үткәрелгән осталык дәресләрендә үзләренең эш тәҗрибәләре белән уртаклаштылар. Башкортостан Республикасы Туймазы районыннан килгән кунаклар Фәхретдинова З.Ф., Нурисламова З.Г., Фаррахова Ф.Н., Суфиянова Р.Р. үзләренең осталык дәресләрен тәкъдим иттеләр. Г.Тукайның 130-еллык юбилеена багышланган "Язлар белән җиргә Тукай килгән" әдәби-музыкаль кичә барлык семинарда катнашучыларның күңеленә хуш килде. Килгән кунаклар үткәрелгән семинардан рухи баеп киттеләр.