Бәйрәмдә мәктәпнең барлык укучылары, укытучылар, беренче сыйныфка укырга керүче балалар , балалар бакчасында тәрбияләнүчеләр , ата-аналар, кунаклар район вәкиле Хәсиятуллина Р.И. һәм җирле үзидарә рәисе Фаткуллин З.Х. катнаштылар. Бәйрәм белән котладылар, яңа уку елына уңышлар теләделәр. Хәерле сәгатьтә.

Кадерле укытучылар, ата-аналар, укучылар! Сезне барыгызны да белем бәйрәме белән котлыйбыз.  Барыгызгада исәнлек, саулык телибез. 

Җәмгыять белеме укытучысы Канипов Р.А. укучыларына үз кабинетына җыйды. Укытучы балаларга 25 еллык юбилеен бәйрәм итүче Татарстан җәмһүрияте, аның кыскача тарихы, беренчесе турында сөйләде. Дәрескә кунак итеп чакырылган авылыбызның күренекле кешесе авыл җирлеге рәйсе Фаткуллин З.Х. чыгыш ясады.

1.Укучыларның җәйге ялын оештыру мәсьәләсендә директор алды утырышы.

2.Шушы мәсьәләләр караглан ата-аналар җыелышы.

3. "Җәйге ялны ничек үткәрәчәкмен" темасына класс сәгатьләре. Укучылар белән инструктаж үткәрелде.

4. Яшелчә бакчасында узачак практика  вакытлары билгеләнде.

Бүген чыгарылыш сыйныф укучылары өчен соңгы кыңгырау яңгырады. 2004 һәм 2006 нчы елларда беренче сыйныфка килгән 5 шук малай бүген мәктәп белән хушлашты. Аларга бик күп матур сүзләр әйтелде, теләкләр теләнде. Сынауларда уңышлар, алдагы тормышыгының матур булуын телибез, кадерле укучыларыбыз безнең. Мәктәптә алган белемнәрегез һәрчак сезгә ярдәмче булсын. Сезнең юллар вакыт кулында гел, Сезнең юллар язмыш иркендә. Хәерле юл Сезгә, укучылар. 

Бүген дәресләр бетүгә мәктәпкә ата-аналар җыелды. Тагын бер уку елын тәмамлап ата-аналар алдында мәктәп коллективының отчет җыелышы иде бу. 

1. Чыгарылыш сыйныф укучылары алдында торучы сынауларга әзерлек.

2. Җәйге каникул вакытында укучыларның ялын оештыру, ата-аналарның бу чордагы бурычлары.

3. Узган уку елындагы уңышлар һәм җитешсезлекләр- көн тәртибендә шушы мәсьәләләр каралды.

"Чебиләрне санар чак җитте" 11 нче сыйныф укучылары бүген беренче имтиханнарын тапшырды. Балалар татар теленнән иҗади биремле излоҗение яздылар. Районыбызның барлык чыгарылыш укучыларына уңышлар телибез.

"Эше барның-ашы бар" ди халык. Бүген мәктәпнең барлык укучы һәм укытучылары 3 дәрес укыганнан соң яшелчә бакчасына юнәлделәр . Киләсе уку елы өчен җитәрлек күләмдә азык әзерләүнең нигезе салынды. Югары сыйныф укучылары бәрәңге утырту белән шөгелләнсә, кече сыйныфлар кишер, чөгендер чәчтеләр, күп итеп суган һәм сарымсак утыртылар.  Тагын кәбестә, кыяр һәм помидор утыртасы калды.