Бүген педагог-оештыручы Наис Фәнисович юл йөрү кагыйдәләре буенча дәрес үткәрде. Башлангыч класс укучылары өчен мультфильм булса, зур класс укучылары эчтәлекле презентация карап уздылар.

Бәрәңгедән кергәч, укучылар бар көчләрен укуга багышладылар. Шул исәптән класс почмакларын да яңарттылар. 8нче сыйныф укучылары класс җитәкчеләре Инсаф Исрафилевич белән  башкаларга үрнәк күрсәттеләр инде.

23 нче сентябр көнне районнан 8 мәктәп башкалабызга ярминкә белән барды. Шулар арасында Шубан мәктәбе дә катнашып уңышлы гына сәүдә итеп кайтты.

Бүген мәктәбебездә милләтләр кроссы булып узды. Спортның сәламәтлек өчен мөһим роль уйнаганын истә тотып, барлык класслар да стадион тирәли йөгерергә чыктылар. (Тулырак рәсемнәр фотогалерея өлешендә)

Бүген мәктәп ярминкәгә әзерләнә! Казанлыларны бәрәңге, кишер, чөгендер кебек яшелчәләрдән тыш гөлҗимеш, кара миләш, йомырка, гөмбә ише ризыклар белән дә сөендерергә уйлыйбыз! (рәсемдә: 5нче класс укучылары гөлҗимеш җыя)

Югары класслар бәрәңге басуында кайнасалар, бишенчеләр мәктәп яны участогында мәш киләләр.

Дәресләрдән соң укытучыларыбыз журнал тутыралар, иртәгесе көнгә план коралар.

Хөрмәтле укытучылар! 15нче сентябрьгә кадәр билгеләрне куярга була!

Мәктәбебездә зур тантана, белем бәйрәме! Бүген беренче дәрес -- тәрбия сәгате универсиада 2013 турында булды.