9-10 сентябрь көнне классларда "Сәламәтлек сәгатьләре" үтте. Класс җитәкчеләре тәмәке, алкоголь зыяны, көндәлек режимның, дөрес туклануның файдасы турында сөйләделәр.

8 нче сентябрь көнне мәктәптә әти-әниләрнең гомуми җыелышы үтте. ҖыелыштаКотдусов Г.Х.  әти-әниләрне яңа уку елына куелган  бурыч һәм максатлар, планга алынган эшләр белән таныштырды. "Игътибар, балалар" акциясе турында Шафигуллин Ф.Т.,яшүсмерләр тарафыннан эшләнгән хокук бозулар, аларны кисәтү турында Файзрахманов Н.Н. чыгыш ясады. 

Финансистлар көне уңаеннан мәктәптә пенсия бүлеге җитәкчесе Нотфуллин Г.Р. белән очрашу үтте.

Мәктәптә 5 сентябрь көнне "Финанс белемнәре көне" уңаеннан тәрбия сәгатьләре үтте.

3 сентябрь көнне классларда Беслан вакыйгаларына 10 ел булу уңаеннан тәрбия сәгатьләре үтте.

1 сентябрь көнне Белем бәйрәме үтте. 1 нче класска 9 укучы керде. Аларга сөт-май комбинаты җитәкчесе Илшат Габделфәртович һәрберсенә  сумка белән уку кирәк-яраклары, ә кабинетларына проектор бүләк итте. Тантаналы линейкадан соң классларда "Минем кече Ватаным" дигән темага тәрбия сәгатьләре үтте.

Белем бәйрәме!

Көмеш кыңгыраулар суза

Тәүге дәрес җырын.

Белем йортларына уза

Ашкынып яшь буын.

Чакыра, тагын чакыра

Кыңгырау классларга.

Бүгеннән – Белем көненнән

Уку елын башларга.

Балалар кайта мәктәптә,

Хушлашып җәйләр белән,

Көзге чәчәкләр һәммәсен

Тәбрикли бәйрәм белән.