Хокук атналыгы кысаларында 17 ноябрь көнне 9-11 класслар өчен Кабирова А.Р. “Хокукый мозаика” дигән чара үткәрде. Укучылар 3 командага бүленеп эшләделәр. Алар  7 геймда  сорауларга җавап бирделәр.  Чара бик эчтәлекле һәм файдалы үтте.

26 ноябрь көнне авылыбыз мәдәният йортында Әниләр көне уңаеннан «Җырлыйк әле» конкурсы үткәрелде. Әлеге бәйгедә һәр класстан бер әни яисә бер әби катнашты. Бәйге 5 турдан торды:

1.      «Минем яраткан җырым» ( һәр катнашучы үзе әзерләп килгән җырны башкарды)

2. «Музыкаль табышмак»( Һәр командага да уен кораллары турында табышмаклар әйтелде)
3. «Җырчыны таны»( җыр куелды, кайсы җырчы икәнен беләсе)
4. «Композиторны таны»(экранда чыккан композиторны танырга)
5. «Караоке» (командалар бергәләп караокега җырладылар).

Конкурс укучыларның җыр, биюләре белән үрелеп барды. Бәйрәм ахырында жюри нәтиҗә чыгарды. Мәктәп администрациясе һәр катнашучыга истәлек бүләге тапшырды.  

5 ноябрь көнне 2 класс укучыларын эзтабарлар сафына кабул итү тантанасы булды. Укучылар әлеге бәйрәмгә ныклы әзерлек алып бардылар. Кунакка килгән Пәри кызы, Шүрәле, Доктор Айболит, Буратино укучыларны төрле яклап сынадылар. Берсеннән – берсе кызыклы биремнәр әзерләп килгәннәр, уеннар уйнаттылар. 2 класс укучылары да сынатмадылар. Аларның җырлары, биюләре, шигырь сөйләүләре һәр кеше күңеленә үтеп керде. Эзтабарларның тантаналы вәгъдәсен әйткәннән соң, һәр эзтабарга бейджик тагылды. 

5 ноябрь көнне мәктәбебездә Уңыш бәйрәме бик күңелле үтте. Бу бәйрәмнең төп иганәчесе булып Сосна күмәк хуҗалыгы торды. Ашханәдә тәмле ашлар пеште. Һәр класстан бер әни бәлеш пешерде. Әлеге традициянең югалмавын теләп һәм рәхмәт әйтеп, укучылар өйләренә таралыштылар.

« Я выбираю спорт, как альтернативу пагубным привычкам» акциясе кысаларында мәктәптә беренче чирекнең иң яхшы спортсменнары билгеләнде.

Егетләр арасында:

Галимов Рушат – 1 урын

Габдрахманов Фидан – 2 урын

Газимов Динар- 3 урын

Кызлар арасында:

Ибрагимова Инзилә- 1 урын

Хабибуллина Рамилә - 2 урын

Габдрахманова Гүзәл – 3 урын

 Укучыларны котлыйбыз! Сәламәтлек, спортта һәм укуларында  уңышлар телибез. 

Октябрь ахырында  тарих һәм җәмгыять укытучы Кабирова А.Р. «Налоги в нашей жизни» дигән чара үткәрде. Чара вакытында укучылар налоглар турында бик күп мәгълүмат алдылар. Төркемнәрдә  биремнәр эшләделәр. Чара бик файдалы булды.

4 ноябрь – Бердәмлек көне. Шул көн уңаеннан классларда Бердәмлек темасына тәрбия сәгатьләре үтте. Мәктәп күләмендә «Бердәмлектә - көч» темасына линейка узды.

           26 октябрь көнне “Татар теле һәм әдәбияты дәресләрендә сәләтле балаларны ачыклау һәм алар белән эшләүне оештыру үзенчәлекләре” дигән район семинары булып узды. Семинарда районның методик үзәк җитәкчесе Зәкиева А.Ю.  һәм татар теле һәм әдәбияты укытучылары катнашты. Программа буенча мәктәпнең татар теле укытучылары Вәлиева Г.Ф., Зәйнуллина Л.Г. ачык дәресләр, мастер-класслар күрсәттеләр. Укытучыларның дәресләре югары бәяләнде.

          Алдагы эшләрегездә уңышлар сезгә,  укытучылар!. 

Дебатлар турниры.

Мәктәбебез укучылары һәм бер педагог 19- октябрь көнне дебатлар Турнирының муниципаль этабында катнаштылар.  Әлеге төркем зона ярышларында 2 урынны алып кайтты. Команда составында түбәндәгеләр катнашты:

Габдрахманова Гүзәл- 10 сыйныф укучысы

Шайхетдинова Зөһрә- 10 сыйныф укучысы

Кабирова Алсу Рашит кызы тарих  укытучысы

Команданы уңышлы чыгыш ясаулары белән котлыйбыз.