“Хыял”  балалар оешмасы каршында эшләүче министрлар кабинетында утырышлар еш уздырыла. Чираттагы утырышта министрларга эш папкаларын ничек тутырырга кирәклеге, вазыйфалары аңлатылды.

        Классларда хакимият башлыклары җитәкчелек итә.

    Аларга даими рәвештә укулар уздырыла, класс белән эшләү өчен күрсәтмәләр бирелә. Әлеге утырышта класс очмакларын яңартып тору, айлык план төзү буенча киңәшләр бирелде.

Мәктәптә фәннәрдән Россия күләмендәге олимпиадаларның мәктәп этабы бара.

Мәктәбебездә Алмаз Хәмзин һәм аның иҗат группасы кунак булып китте. Алар үзләренең матур концерт программаларын күрсәттеләр.

15  октябрь көнне Пыжмара авылында кул көрәше ярышы булып узды. Ярышта мәктәбебез укучылары уңышлы чыгыш ясадылар.

Саба районында республика күләмендә “Ватан” исемле сәнгать фестивале булып узды. Мәктәбебез укучысы Сәләхетдинова Эльвина әлеге конкурста катнашып вокал-соло номинациясендә 3 урынны алып, диплом белән бүләкләнде.

Мәктәптә һәр ел саен Хәтер көне билгеләп үтелә. Казан өчен шәһит киткәннәрне зурлап искә алабыз.

Мәктәп күләмендә “Я выбираю спорт как альтернативу пагубным привычкам”  акциясе бара. Акция кысаларында тематик әңгәмәләр, рәсем һәм плакат конкурслары, тренинглар, хәрәкәтле уен сәгатьләре уздырыла.

«Хыял» балалар оешмасында президент сайлаулары булып узды.

Мәктәптә укытучылар бәйрәме уздырылды. 4 класс укучылары укытучылар хөрмәтенә бик матур театральләштерелгән әсәр куйды. Укытучыларга багышланган шигырь юлларын, концерт номерларын укытучыларыбыз бик җылы кабул иттеләр.