20 нче апрель көнне Балтач мәдәният йортында мәктәп һәм балалар бакчалары арасында Бөек Җиңүнең 70 еллыгына багышланган смотр концертында безнең мәктәп укытучысы Закирова Р.Г.,  Гадел Кутуйның "Сагыну" нәсерен сөйләп, уңышлы чыгыш ясады.

Бөек Җиңүнең 70 еллыгын каршылап, мәктәп укучылары тынычлык символы булган күгәрченнәр ясадылар.

Бөек Җиңүнең 70 еллыгын каршылап, сыйныфларда Җиңү дәресләре уздырылды.

Каникул чорында балаларыбыз ял итеп кенә ятмадылар. Алар сугыш турында кинолар карадылар, шигырьләр өйрәнделәр, рәсемнәр ясадылар.

Сыйныфташыбыз Хөсәенов Рамазанның әбисе дә, бабасы да сугыш чоры балалары. Рамазан аларның ул чорда ничек яшәүләре, киенүләре, укулары турында гел сораштырып тора. Алар сөйләгәннәрне безгә дә сөйли. Дустыбыз әби-бабасы белән бик горурлана, аларны бик ярата, аларның әле үзе янәшәсендә тагы да озын матур гомер итүләрен тели.

Көннәр бик матур тору сәбәпле, без чаңгыларда урманга экскурсиягә бардык. Саф һава суладык, басуның кардан ачыла башлаган урыннарын, күк йөзен, агач төпләрен, уяна башлаган бөреләрне, яр кырыйларын күзәттек. Иртәнге каткан карда туйганчы чаңгы шудык. Экскурсия бик күңелле булды!

Бөек Җиңүнең 70 еллыгын каршылап, укучылар музыка дәресләрендә сугыш, тынычлык турында җырлар өйрәнәләр.

Бөек Җиңүнең 70 еллыгын каршылап, мәктәп коллективы авыл халкы өчен "Кызыл яраннар" дип аталган театральләштерелгән тамаша күрсәтте.

Бөек Җиңүнең 70 еллыгын каршылап, "Җиңү килде җирне нурга күмеп" дигән сыйныф сәгате үткәрелде.

Көннең яктылыгы кояшта,  
күкнең матурлыгы йолдызларда,
җир йөзенең гүзәллеге хатын-кызларда.
Сезне шул җир йөзен бизәгән
Халыкара Хатын-кызлар көне  белән тәбриклибез!
Бәйрәмнең кайсы да тәнгә җиңеллек,
рәхәтлек, җанга ял алып килә.
Шушы бәйрәм көне, елмаеп баткан кояш матурлыгын ,
табигатьнең самимилеген өстәп, 
күңелегезгә шатлык, тәнегезгә сихәтлек, 
өегезгә иминлек алып килсен.