Бүген мәктәбебез район мәктәпләренең татар теле, әдәбияты һәм технология укытучыларын кабул итте: татар теле һәм әдәбияты укытучылары Габделхакова Р.Г., Мифтахова Р.Б., технология укытучысы Гарипова Л.Р. ачык дәресләр, чаралар күрсәттеләр. 

Мәктәбебез укучылары янында психолог Байрамо Л.И. булды. Ул 1-4, 5-6, 8-9 нчы сыйныф укучылары белән уеннар, тренинглар оештырды. 

Мәктәптә профориентация буенча чаралар һәрчак үткәрелеп тора. Бүген 9 нчы сыйныф укучылары янына Казан кооператив техникумы хезмәткәрләре килде.

Бүген 7 нче сыйныф укучылары авыл китапханәсе белән берлектә авылдашыбыз, шагыйрь Гарифҗан Мөхәммәтшин иҗатына багышланган Шигърият сәгате үткәрделәр.

Муниципаль полиция хезмәткәре Ләйлә Фәргатовна һәм психолог Анна Викторовна укучылар белән бик эчтәлекле әңгәмә үткәрделәр. Юл йөрү, янгын куркынычсызлыгы, караңгы вакытта уткайтаргычлар, кичке вакыт һ.б. турында инструктаж укучылар өчен һәрвакыт файдалы һәм кирәкле мәгълүмат.

Иске, тотылган батарейкаларны җыю акциясе башланып китте. Табигатьне бергәләп саклыйк! 

Бүген 5-9 нчы сыйныф укучылары, барлык әти-әниләр, мәктәп коллективы бердәм рәвештә татарча диктант яздылар.

5 нче сыйныфлар оештыруында мәктәп күләмендә бик матур чара  үткәрелде - әбиләр кунакка килде. Оныклар тарафыннан ихтирам һәм игътибар тойган әбиләр бәйрәмнән күңелләре булып таралышты. 

"Әбиемнең күңел җылысы" кичәсенең икенче өлеше чәй табыны артында узды.

Бәйрәм хөрмәтенә укучылар тарафыннан бик матур эчтәлекле кичә үткәрелде. Бәйрәмгә шулай ук ветеран укытучыларыбыз да килде. Алар мәктәп турында истәлекләре белән уртаклаштылар, мәктәпне сагынып яшәүләрен сөйләделәр.