Каникул вакытында да 9 нчы сыйныф укучылары имтихан тапшыра. Шулай булмый хәл юк, быел бик җаваплы ел бит - чыгарылыш. Кичә һәм бүген алар рус теле һәм математикадан сынау, ягъни пробный ОГЭ эшләделәр.

Мәктәптә традицион рәвештә I чирек ахырында Уңыш бәйрәме үткәрәбез. Башта башлангыч сыйныф укучылары өчен Күңелле стартлар оештырылды. Җитезләр һәм Көчлеләр дигән ике команда кызыклы спорт ярышларында көч сынашты.

9 нчы сыйныф укучыларының әти-әниләре өчен махсус җыелышта ОГЭ, аңа әзерлек, укучыларның укуга карашы, консультацияләр һб күп мәсьәләләр буенча фикер алышу булды. Төрле фән укытучылары сорауларга җавап бирде.

Уңыш бәйрәмендә югары сыйныф укучылары командаларга бүленеп мини футбол уены уйнады. 

Менә шулай бик матур итеп үткәрәбез без Уңыш бәйрәмен. Үзебез мәктәп бакчасында үстергән яшелчәләр, җиләк-җимешләр белән сыйланабыз. Рәхәт һәм тәмле көн булды бу!

Уңыш бәйрәменең иң күңелле мизгелләре ашханәдә тәмле ризыклар белән сыйлану инде, әлбәттә. Ә ашханәгә кергәндә һәр сыйныф җырлап керә.

"Ел укытучысы" бәйгесе кысаларында бүген башлангыч сыйныф укытучысы Эльмира Гарәфетдиновна 2 нче сыйныфта әйләнә-тирә фәненнән ачык дәрес һәм хезмәттәшләре белән осталык дәресе үткәрде. 

Көзге бал кызыклы уеннары, җыр-биюләре белән көзге салкын кичтә күңелләребезне күтәрде.

Россия прокуратурасының 300 еллыгы уңаеннан үткәрелгән тәрбия сәгатендә 9 нчы сыйныф укучылары үзләре өчен күп мәгълүмат алды, кызыклы һәм файдалы уеннар уйнады. "Баланың туганнан алып балигъ булганчыга кадәр вакытта нинди хокук һәм бурычлары бар?" дигән темага түгәрәк өстәл үткәрү бик отышлы алым булды.

Бүген 5-9 нчы сыйныф укучылары өчен тәрбия сәгате "Наркоманиягә юк дип әйтик" темасына багышланган иде.