Башлангыч сыйныф фәннәре Марафоны кысаларындагы   татар теле  көнендә төрле чаралар үткәрелде. “Мин татарча сөйләшәм, киләчәкне үзгәртәм" акциясендә 180 башлангыч сыйныфы укучысы катнашты, алар тарафыннан  “Минем татарча  беренче 150 сүзем” буклетлары таратылды. “Татарча да яхшы бел,русча да яхшы бел” тәрҗемә конкурсы үткәрелде( җаваплы укытучы Әсхәбетдинова Г.Н.). Иң яхшы татар теле тәрҗемәчеләре булып 1а сыйныфы укучысы Яруллин Б., 4А сыйныфы укучысы Мөхәммәтдинова Р. билгеләнде ( 1-урын), 2-урында 2А сыйныфы укучысы Бәдертдинов К., 3Б сыйныфы укучысы Әскәрова Г., 3-урында 2А сыйныфы укучысы  Шәйхетдинов И., 4Б сыйныфы укучысы Хөснетдинова А. Укучылар татар телен өйрәнүнең никадәр мөһим икәнлеген  аңладылар, бәйге алга таба эшләүгә ныклы этәргеч бирде. 

  Ата-аналар һәм укытучылар өчен татар телендә оештырылган,”И Туган тел, и матур тел” дип исемләнгән концерт  та тамашачылар күңеленә бик хуш килде, алар яшь артистлардан көчле алкышларын, соклану һәм рәхмәт сүзләрен  кызганмадылар. Концерт өчен җаваплы укытучылар Галимова И.Г., Ситдикова М.Ф.