Көзге каникул файдалы үтте

  Безнең Азнакай төбәге истәлекле урыннарга, музейларга бик бай. Шундый күренекле урыннарның берсе – Азнакай районының эчке эшләр бүлеге музее. Бу музей күптән түгел генә оешкан булса да, күпсанлы кунаклар, укучылар кабул итәргә өлгергән инде. Безнең 7 нче мәктәпнең 5 нче А һәм 5 нче Б сыйныфы укчылары да (класс җитәкчеләре Кашапова Фирүзә Фәнилевна, Гарифуллина Наилә Вәлиевна) 3 нче ноябрь көнне бу истәлекле урынга – музейга экскурсиягә бардылар. Монда Азнакай районы милициясе һәм аның үсеш тарихы, ЮХИДИ хезмәте; үз һөнәрләренә тугры калган фидакарь милиционерлар, гомерләрен кызганмыйча, халык иминлеген кайгыртып, батырларча һәлак булган шәхесләр  турында кызыксынып тыңладык;  ату кораллары , тарихи әһәмияткә ия төрле экспонатлар белән таныштык. Малайларыбыз бронижилет, каска киеп, ату коралларын үз куллары белән тотып карадылар. Күбесенең  полициядә хезмәт итәсе килү теләге уянды. Музей урнашкан бинадан чыккач, сул якта урнашкан батырлар стелласын да сокланып карадык. Экскурсиядән бик канәгать булып, батырлык, кыюлык үрнәге алып кайттык.