Мәктәбебездәге татар теле һәм әдәбияты атналыгын бик матур чара белән ачып җибәрдек. 21 нче апрель көнне без, ягъни әдәбият-сәнгать дөньясына гашыйк укучылар, укытучылар белән берлектә Татарстан Республикасы фольклор музыкасы дәүләт ансамбле чыгышын карарга бардык. Ансамблнең сәнгать җитәкчесе - Россиянең атказанган, Татарстанның халык артисты Айдар абый Фәйзрахманов. Алар безгә милли музыка, җыр-бию үрнәкләрен, музыка уен коралларын, татар халкының гореф-гадәтләрен, киемнәрен сәхнә һәм сәнгать аша тәкъдим итүче дәрес-тамаша куйдылар. Аларның һәрбер чыгышын без бер сулышта, таң калып тамаша кылып кайттык.