6 апрель көнне  4а классының татар төркеме  укучылары татар теле һәм әдәбияты укытучысы Нургалиева Гөлфия Мөхтәр кызы белән бергә мәктәп китапханәсендә “Газиз туган телем” исемле интеллектуаль викторинада катнаштылар. Бу чара “Мин татарча сөйләшәм” акциясе кысаларында уздырылды. Укучылар  ике командага бүленеп тапкырлыкта, зирәклектә көч сынаштылар. Китапханәче  Габдрахманова Рүзилә командаларга  “Тылсымлы сүз”, “Уйла һәм әйт”, “Бу кайсы әкияттән?”, “Мәкаль әйтеш”, “Бу табышмаклар Г.Тукайның кайсы әсәренә туры килә”, “М.Җәлилнең шигырьләре буенча “Шигырьне тап”, “ Сүздән сүз ясау” дип аталган биремнәр әзерләгән иде. Командалар бар көчләрен җыеп ярыштылар. Бер укучы да читтә калмады.