“Мәктәп китапханәчеләре айлыгы” кысаларында Сарлы авылы гомуми белем бирү мәктәбендә план буенча күп төрле чаралар уздырылды.” Якташ язучылар” күргәзмәсе якташ язучылар иҗаты белән якыннанрак таныштыру, сәнгатьле уку күнекмәләрен камилләштерү, якташ язучылар иҗатына кызыксыну уяту; туган як табигатен , туган җирне ярату хисләре тәрбияләү максаты белән  оештырылды. Бу күргәзмәдә укучылар, укытучылар , район мәгариф идарәсе методик эшләр үзәге вәкитле , ата-аналар катнашты . Барлыгы 50 кеше булды һәм 45 китап кургәзмәдә урын алды. Ш.Галиевның 6 китабы, Г. Саетшинаның 1 китабы, Ф. Исламовның 1, И.Гыйләҗевнең 3, Р.Закуановның 4, С.Шәриповның  3 , Г. Садретдинованың  3, Н Әхмәдиевның 8 , Ә. Исхаковның 3 ,Ф. Исмагыйлованың 1, Ф. Зыятдинованың 1, Г Әхмәтҗановның 1, Р Шәрипованың 1 китабы күргәзмәгә куелды. Китапханәче  Гатиятова А.З. күргәзмә белән таныштырганда  Сарлы мәктәбендә эшләгән Нур Әхмәдиев, шушы мәктәптә укыган һәм Бүләк авылыннан чыккан Гөлчәчәк Садретдинова иҗатына басым ясады.

    ”Гөлстан” әдәби берләшмәсе турында стена газетасы күргәзмәне тагын да тулыландырды.  10 сыйныф укучылары Илдус Гыйләҗевнең “Чатыртау тылсымы” җыентыгыннан  “Сарлыны сагыну”, Гөлчәчәк Садретдинованың “ Мәхаббәт энҗеләре” җыентыгыннан “ Туган авылым Бүләк” шигырьләрен кунакларга сәнгатьле итеп укыдылар.

Бу күргәзмә күпләрдә кызыксыну уятты. Китапларны тотып , актарып, укып караучылар да булды. Күргәзмәдән соң басмаларны укытучылар дәресләрдә, класс җитәкчеләре  тәрбия эшендә , укучылар аң-белемнәрен киңәйтүдә , ата-аналар ял вакытларында кулланачакларын белдерделәр