7-11 класс укучылары  авылыбызның сугыш һәм тыл ветераннарына хат язу акциясендә актив катнашалар.Өчпочмаклы хатларда ветераннарыбызга  аяз күк йөзе өчен рәхмәт сүзләре урын алган.

16 нчы февраль көнне Муса Җәлилгә багышланган әдәби кичә уздырылды. Кичәдә тормыш юлына багышланган  викторинага җаваплар бирү, шигырьләр уку, рәсем күргәзмәсе белән танышу, слайдлар карау булды. Оештыручы Хасаншина Асия Вагизовна.

Әлифба , әлифба

Беренче битеңне

Ачкан көн хәтердә

Зур бәйрәм шикелле...

  дип  сөйләделәр 1нче сыйныф укучылары 13 февраль көнне. Аларның уңышларын уртаклашырга әти – әниләре, әби – бабайлары да килде. Алар укучыларга үз теләкләрен җиткерделәр. Яшьтәшләре 2, 4 класс укучылары да изге теләкләрен җиткерделәр. Беренчеләргә бәйрәмне әзерләргә  сыйныфташлары – 3 нче класс укучылары һәм класс җитәкчеләре Зәбирә Фәрит кызы ярдәм итте. Бәйрәм күңелле узды. Бәйрәмнән соң җыелышып чәй эчтек.

  Беренче  сыйныф укучыларына тагын да зур үрләр яуларга язсын!!

 Югары Стәрле мәктәбендә Яшь антифашистлар көнен билгеләп үттеләр. 6 нчы класс укучылары чыгыш ясады.

Югары Стәрле мәктәбе 6 нчы класс укучылары Бөек Җиңүнең 70 еллыгы уңаеннан почмак ясадылар
Класс җитәкчесе Хабибуллина Г.М.
 

Бүгенге якты тормышыбыз өчен сугыш кырында ятып калган әти - бабаларыбызга, абый – апаларыбызга бурычлыбыз. Аларның батырлыгын музейлардан, китаплардан, кинолардан өйрәнәбез. Батырларның истәлеген  мәктәбебез  музеенда өйрәнәбез. Югары Стәрле мәктәбенең 3 класс укучылары музей экспонатлары белән таныштылар. Солдат киемнәрен киеп карадылар, батыр солдатларның өчпочмаклы хатларын укыдылар.

Бөек Җиңүнең 70 еллыгына тарих укытучысы Шәрипова Г Р рәсем конкурсы уздырды

Мәктәп күләмендә төрле елларда мәктәпне тәмамлаган авылыбызның күренекле кешеләре белән очрашу кичәсе уздырылды.Кичәгә бик күп кунакларчакырылган иде.Төрле сәбәпләр аркасында килми калучылар да булды.Ә безне якын итеп кунакка Сарлы авылы җирле узидарә җитәкчесе  Марат Рәис улы, Сәпәй авылы җирле узидарә җитәкчесе Фәния Галимҗан кызы, яшь шагыйрәбез Гөлчәчәк Әнәс кызы, әти-әниләр комитеты рәисе Рузалия Миргасыйм кызы, әти-әниләр килгән иде.Кунакларыбыз үзләренең мәктәп еллары турында истәлекләре белән бүлештеләр, Гөлчәчәк апа үзенең җырын, яңа чыккан китабын бүләк итте.Укучылар тарафыннан бик матур концерт күрсәтелде.Кичә бик күңелле узды.

Укытучылар коллективы авыл клубы белән берлектә Бөек Җиңүнең 70 еллыгына карата Җиңү бистәсе авыл халкы алдында чыгыш ясадылар.