Бүген Азнакай шәһәре 5 нче урта мәктәбендә,татар теле һәм әдәбияты атналыгы кысаларында, бөек шагыйребез Габдулла Тукайның 140 еллык юбилеена багышлап “Тукай эзләре буйлап” квест –уены узды. Әлеге чарада Азнакай шәһәре 4 нче лицееның, 5 нче , 6 нчы мәктәпләрнең 5-6 нчы сыйныф укучылары көч сынашты. Уен 5 нче мәктәп укучылары  әзерләгән концерт номерлары белән башланып китте.  Командалар 8 тукталышта Габдулла Тукайның тормыш юлына, иҗатына багышланган биремнәр үтәделәр. Укучыларның Тукаебыз турындагы белемнәре тирән булуы шатландырды. Квест- уен нәтиҗәләре түбәндәгече булды: 1 нче урын- 4 нче лицейның “Тукай оныклары” командасы; 2 нче урын- 5нче урта мәктәпнең “Зирәкләр” командасы; 3 нче урын- 6 нчы урта мәктәпнең “Без- Тукай оныклары”. Афәрин! Катнашкан укучыларга, аларны әзерләгән укытучыларга рәхмәт белдерәбез. Киләчәктә дә уңышлар телибез!