Гомерем минем моңлы бер җыр иде,
Үлемем дә яңгырар җыр булып.

21 нче февраль көнне ел саен  Халыкара туган тел  көне билгеләп үтелә. Шул унайдан, туган телебездә  яраткан шагыйребез, татар халкының бөек улы, патриот-шагыйрь Муса Җәлилнең туган көненә багышланган әдәби сәгатьләр узды.
Гимназиянең 4 нче Б сыйныфы укучылары китапханәдә (укытучылары Садриева Ф.А. җитәкчелегендә) җыелып, шагыйрьнең китапларын барладылар, шигырьләрен укыдылар, җырлары яңгырады. Нәни дуслары шагыйрь абыйларын зур горурлык белән искә алдылар.
Һәр буын аны йөрәгендә саклый. Аның көрәше эшчәнлеге - күпләр өчен кыюлык һәм батырлык үрнәге!